Wednesday, February 01, 2006

யார் ஆட்ட நாயகன்?

பாகிஸ்தானின் வெற்றிக்கு பல ஆட்டக்காரர்கள் பங்களித்திருக்கும் வேளையில், ஆட்டநாயகனை எவ்வாறு முடிவு செய்யப்போகிறார்கள்? என்பது கவனிக்கப்பட வேண்டிய அம்சம்.

பாகிஸ்தானின் வாய்ப்புக்கள் கிட்டத்தட்ட காணாமல் போன நிலையில் அதிரடி சதத்தின் மூலம் பாகிஸ்தானை மீண்டும் முன்னிலைக்கு கொண்டு வந்தவர் கம்ரான் அக்மல். இதே போல் முன்பு கல்கத்தாவில் நடந்த டெஸ்ட் மேட்சில் மோயின்கான் 72 ரன்கள் எடுத்ததும் ( பாக் 26 ரன்களுக்கு 6 விக்கெட்டுக்களை முதல் நாள் ஆட்டத்தில் இழந்தது), போட்டியில் பாகிஸ்தான் வெற்றி பெற்றதும் சிலருக்கு நினைவிருக்கலாம்.

பந்து வீச்சாளர் ஆசிப்பிற்கு இது முதல் டெஸ்ட். ஆனாலும் இந்தியாவின் பேட்டிங் ஜாம்பவான்களை எல்லாம் தடுமாறச் செய்து விக்கெட்டுக்களைப் பெற்றார். குறிப்பாக இரண்டாவது இன்னிங்ஸில் லஷ்மண், சேவாக் மற்றும் சச்சினின் விக்கெட்டுக்க்ளை கைப்பற்றிய விதம் ( அனைவரும் க்ளீன் போல்ட்) மிகவும் பாராட்டத்தக்கது.

அப்துல் ரஜாக். பாக். அணியின் முக்கியமான ஆட்டக்காரர். இவருடைய பந்து வீச்சையும், விக்கெட்டுக்கள் எடுக்கக் கூடிய திறன் குறித்தும் சில சந்தேகங்கள் இருந்தன. ஆனால் அவற்றை பொய்ப்பித்து விக்கெட்டுக்களை கைப்பற்றி பாக் அணிக்கு பங்களித்திருக்கிறார் ரஜாக். பந்து வீச்சில் மட்டுமல்ல. பேட்டிங்கில் முதல் இன்னிங்சில் அக்மலுடன் ஜோடி சேர்ந்து எடுத்த ரன்கள், மற்றும் இரண்டாவது இன்னிங்ஸில் எடுத்த 90 துரித ரன்கள் பாகிஸ்தானின் வெற்றியை உறுதி செய்த அம்சங்கள்.

ரஜாக் போன்ற ஒரு ஆல்ரவுண்டர்- இந்தியாவில் இல்லை. வெற்றிக்கும் தோல்விக்கும் இடையேயான வித்தியாசம் இத்தகைய ஆல்ரவுண்டர்கள்தான்.

என்னுடைய ஆட்டநாயகன் தேர்வு- அப்துல் ரஜாக்.

வெல்டன் ரஜாக்

0 Comments:

Post a Comment

Links to this post:

Create a Link

<< Home