இரு பெயர் - ஒரு ஆள்

முகம்மது யூசுஃப் அடித்தது அவரது முதல் சதம்தான்.
பத்ரி முன்னரே பதிந்திருப்பது போல யூசுஃப் யோஹன்னாதான் சென்னையில் இந்தியாவுக்கெதிராக ஒருநாள் போட்டிகளில் சாதனை புரிந்த சயீத் அன்வாரின்
தொடர்ந்த இசுலாமிய கருத்துக்களால் 'வசீகரிக்கப்ப்ட்டு' முகம்மது யூசுஃப் என்ற
பெயரில் இசுலாமியராக மாறினார்.

இப்போது இங்கிலாந்துக்கு எதிராக சதம் அடித்திருந்த போதும் இது அவரது முதல்
சதமாகக் கருதப்படும் என்று 'விஸ்டன்' சொல்லியிருக்கிறது. இரண்டும் இரண்டு
பெயர்கள் என்பதால் இப்படி என்று வினோதமான தனது முடிவை உறுதிப்படுத்தவும்
செய்திருக்கிறது விஸ்டன்.

"பெயர் இரண்டானால் என்ன, ஆள் ஒன்றுதானே ஐயா" என்று கேட்டால் அதையெல்லாம்
விஸ்டன் கண்டுகொள்வதாகத் தெரியவில்லை. பாகிஸ்தான் கிரிக்கெட் வாரியமோ, முகமது
யூசுஃபோ இது குறித்து என்ன சொல்லியிருக்கிறார்கள் அல்லது சொல்லப் போகிறார்கள் என்பதை இனிதான் தெரிந்து கொள்ள முடியும்.