பாகிஸ்தான் இங்கிலாந்தை வென்றது

மூன்றாவது ஒருநாள் போட்டியில் பாகிஸ்தான் 165 ரன்கள் வித்தியாசத்தில் வென்று தொடரில் 2-1 என்ற முன்னிலையில் உள்ளது.

இங்கிலாந்து டாஸில் வென்று முதலில் பந்துவீசத் தீர்மானித்தது. ஆனால் பாகிஸ்தான் ஆரம்பம் முதலே தடதடவென அடித்து ரன்கள் சேகரித்தது. கம்ரான் அக்மல் இந்தத் தொடரில் தன் இரண்டாவது சதத்தைப் பெற்றார். ஐம்பது ஓவர்களில் பாகிஸ்தான் 353/6 என்ற ஸ்கோரைத் தொட்டது. ஆனால் இங்கிலாந்தால் 42 ஓவர்களில் 188 ரன்களை மட்டுமே எடுக்கமுடிந்தது.